腹瀉好辛苦

由上個星期日夜晚開始，個肚就有點唔舒服，個肚脹脹地（仲有少少感冒同無力），之後星期一就痾水，一直去到星期三，總共痾左差唔多十幾次，個肚又陣陣痛，之後星期四食完粥同腸胃藥就冇事，尋日傍晚總於有得食肉同麵，好感動，以後我小心食野

前日中午，出街飲茶，到今日係星期六，就黎要開term 4啦，好緊張，而家調整一下訓教同起身時間啦，10月4日返學時間比之前早左

Good movie（1）

我係澳洲呢到，語言班都幾閒下，所以一個星期大約睇一兩套moive，有D電影製作得好有意思，好有氣氛同埋哲理，最重要係夠懸疑，我最中意懸疑又帶有少少恐怖既，以下係我認為做得非常好既電影
Angels and Demons
The Da Vinci Code
The Game
Se7en（七宗罪）
Final Destination 4（死神來了4）
Primal Fear
Thoughtcrimes
88 minutes
呢幾套真係好好睇（以上只係一部份而已），如果比分數的話，其實每一套都可以比9.5/10分，特別係頭兩個同埋最後三個，我之後去main stream class，可能就冇咁機會去睇，不過都會keep住一個月睇一兩套，之後再同大家介紹一下，順道我也可以借此機會去回味記錄一下，我睇左咁多好電影！

中秋節過後

星期二，去左剪頭髮
本月十五日，星期三，中秋節快樂，去食自助餐，夜晚去聽盲人音樂佈道會
尋日星期四，去左屋企garden到拔雜草，好攰呀，我拔左好多，之後沖個好涼，近排好中意學Latin
尋日同時都整理一下自已既野，決定每天睇兩個書，每日睇每本書十頁，背生字，串字，聽睇新聞，落樓下睇電視兩個鐘，學好英文，好快就要上堂，入主流班
我部手機既head phone壞壞地，聽音樂弱左少少同埋人聲低左好多，一定係成日係床到聽歌，整爛左條線-0-
今個中秋只係食左一個冰皮綠豆月餅，嬌小玲瓏既，幾好食！

第三學期完結的快樂星期

今個星期有好多好開心既野呀，星期二有家長日，老師一直讚，下學期（十月頭）去yr10，下年去yr11
星期三(9月15日)有mult-culture concert，係學校晚上七點鐘舉行，我有份表演兩場，一場係Miss Peacock既Waltzing Matilda（我扮警察==），另一場係我同同學唱十年，幾開心，第一次係Wellington過夜，差不多十點鐘，唔洗著校服，好開心YeahYeahYeah!!!!!
星期四（9月16日）係Shakespeare'Day，可以著便服但係冇著，不過唔緊要，大把yr10既學生都冇著，朝頭早就去另一個班房做mack，我做得都唔錯，之後有一D劇情扮演遊戲，同埋睇一場Romeo and Juliet既play，幾好睇
係呢日整mack期間，及現一個FormF班既靚女，其實星期五放學都見到另外兩個都係FormF既同學，好後悔之前冇同老師講要咩特定要去既班，不過星期五去問，老師已經編左我入10A班，冇得再改同選班，不過算，我搵同學搵我手
星期五係語言班既最後一日，最開心係有lockdown rehearsal，全部人訓係地下，包括老師，我拍片，同埋已經上載係youtube到，好好笑，令到張yr10 timetable，班主任係越南人，開學時間為10月4日，有呢兩個星期的假期，慢慢過，學好英文，好快要同local students一齊相處
星期六（9月18日），教會去BBQ同野餐，夜晚去聽龍飄飄既詩歌分享會，講真，D詩歌好老土同埋好舊，不過咁過一日係唔錯
今日星期日，第一次上教會第二層到坐

兩週雜項2010/9/4-12

上星期六，去左uncle一個朋友既新房party，好開心，同人傾計，星期日，慶祝父親節，去左食牛排同埋去一個市場行一行，送左一張父親節咔比我uncle
好快到家長日同埋完左個語言班，近排有兩個presentation，同埋下星期三要去表演，近排我好中意去睇電視，例如Deal or no deal，今日星期日，又見到個人女仔，原來佢之前搵我facebook搵左好耐，好開心能夠同佢傾計，好想以後都返教會（英文一定要大大大進步！）
春天到了，好驚我會有花粉症，小心D好D
下星期我會有presentation，做好D，同埋假期之後，要去main stream class啦(year 10)，努力努力

本週雜項

星期四學校男廁著火，所以去carteen買完野食之後，有條路封左，九成有人食煙縱火
星期四下午六點幾，屋企隻雞飛左出街，格離屋叔叔見到，同我一齊將隻雞趕返入去，好笑，雞識飛過一半七米圍攔
星期五，班越南人開始好主動上堂答問題，雖然回答唔好又少，表達能力差，但係有威脅，自已應該繼續努力，唔好比佢地超前，要再主動多發言
每星期要寫一份story essay比表姐，寫左好多，最少起碼四百字以上，訓練英文writing，同埋帶左本Atlas返屋企睇，開始沈迷睇地圖（澳洲，歐洲同埋北美洲）啦，同埋做完功課得閒就去睇L牌書，學車牌啦，努力學好英文

Aus - 投票日

今日係澳洲眾議院同參議院投票日，十二點左右去左一個Mulgrave primary school到，跟anut同uncle一齊去投票，投票好近屋企，搭車只要一兩分鐘左右

兩天的雜項

昨天我去Otpus去弄一下mobile phone offer，我的英語是用的時候，雖然講我不是太多，但起碼跟街上的外國人有溝通，聽得明白
今日學校去睇Play，係學校搞drama既同學去表演，幾好睇，但係好多英文聽唔明白，不過sound effects同special effects做得不錯
放學後去了WG買雪糕食，個嘴唇超紅又乾，有少少腫，特別係左邊嘴角有兩個傷口，好辛苦
近排我7：30am先起身，遲左半個鐘起身，可能遲訓，今日一定要11點鐘訓
我昨日開始寫小說，合共今天寫的有3版半張紙，大約有1400字，但我目標係寫2萬字，100張紙的小說，主要係懸疑小說，大綱做好，但還要修改一下，開頭寫了傑明同紫玲上課的事，不久就會發生怪事，以及怪異恐怖的事，大約需要兩個月半吧

周六去行下

今日下午兩點半鐘左右出去行行商場，有得飲Boost，後悔選banana味，但係都好好味，四圍行下，起碼對商場不同店鋪既專用名詞，貨品有認識(當然係英文啦)，一來又可以知道墨爾本其他地方，唔洗係屋企咁悶，出黎增廣一下見聞，的確，我對墨爾本認識不多，除了返學經常搭既850同631，其他地方唔係去好多次

車票自已識買，英語運用比以前多好多，而且唔會擔心唔去問去講，今天好大風，我將廁所同埋房間打掃以及通通風，空氣清新D，唔會有怪味（因為本人懶，可能是衫襪味）

我下年好大機會去years11，老師比機會我下學期去yrs10,main stream去試一下，我一定要努力讀好英文，背多D生字多D講野，同埋我尋日Miss Li幫我填左張Tax number file form，我遲D要找工，賺錢，有錢賺就唔洗要人地比零用錢，同埋要買咩就買咩，我幾乎日日返學係食自已整既三文治，都幾無聊，有時食唔飽，不過返學係開心既！Science堂既時候，玩observation game去寫關於燃燒candle既observation，真係有candle係你面前玩，老師話以前學校有一個女仔yrs7可以寫50個observation，天才！我只寫了12個

上次飲左一杯茶，超香，第二日都有陣香味係杯到，我好想再飲茶，返學校去沖黎飲

受人氣

寄人離下不是一件十分快樂的事情，本來我沒有聽錯，根本就係她講得不清楚同完整，今日又比人睇唔起，不是自已認為自已英文好勁，我話係老師講既，一開頭就針對我黎講，香港程度高過呢到好多啦，我先唔會咁驕傲，我一定要努力讀好英文，不再受人白眼，唔出聲唔代表唔知道，知者不言，言者不知呀

生活在澳洲，校園的歸屬

在澳洲生活了一段時間，我非常喜歡澳洲的校園生活，生活在這裡，好像每一細節都是安排好的，而且比我想的更好，英文是進步了，畢竟每天差不多有八成時間是在英語世界活著，（其他都是講普通話以及廣東話，還有瀏覽中文網站），但我做功課的習慣，依然保留了在香港的態度，星期日才做功課，不寫功課欄，不過我明年好大機會會升上years11，所以在這半年內，英文要大大進步給老師看，以及跟上進度，考好成績

最近我常常以不敗給越南人為目標，每天都很努力，但並不辛苦，很舒閒，很開心，像真的是在生活一樣，沒有高樓並不代表生活不高科技，反而令人心曠神宜，今天是假期，所以有空打打Blog，

最近澳洲有選舉，澳洲的PM,Julia Gilland 是 atheist，但爭議是有的，像澳洲的華人教會會牧師唆擺你不要投她一票，影響投票，說什麼她在訪問時說不需要上帝幫助，基督徒就不投給她，基督徒真是太沒有開放的思想，而且這樣影響投票是十分沒品而不道德的，遲下再講

澳洲天氣凍凍凍

來到澳洲已經一段時間，澳洲的天氣真凍，而且三不五時就下雨，整天呆在家裡很悶，下星期一終於返學了，不知我的英語是否可以跟留學生以及老師同學溝通，但這幾天開心的是能一次過慢慢地看Season 2 的fringe，實在太開心了！

不過以後日子也要自已獨立地生活下去，這一陣子都是自已洗內衣襪，水很凍，我由今晚開始要早D訓教，我真係驚下星期一返學都咁遲起身（差唔多日日十二點先起到）

6月第二個星期

昨日無端端7點幾好自然咁起身，九點鐘同呀媽出街買野預備一下，真係好攰，一直做到下午一點幾先可以叫做休息上下網咁
今日又十二點先起身，尋晚好夜先訓，好似接近二點先訓，今晚要早d訓先


posted: 2010 6 12 12:19 am

6月頭雜項

昨日下午以及今日上午都係去灣仔海港中心既澳洲領事館令簽證，昨日因為太遲到，要十二點前到達才受理，幸好今天能在十點十五分前左右到達，去到排到籌之後問職員，職員話因為我張簽證係電子簽證，所以可以用而家個本香港特區護照去澳洲讀書，浪費車費又浪費時間，早知一早打電話去問就算

不過開心既就係我昨日同今日有買可樂，可以用我係麥當奴換既玻璃杯黎飲，好正，昨晚太夜訓，今朝太早起身，八點起身，又搭長途車，搞到我有中暑既感覺，好嘔心和攰，今晚要早d訓



posted: 2010 6 8 1:49pm

昨天是Last Day

昨日是Last Day，真係最後一堂的OLE，很高興能在phy堂見到miss關，而且得到了文財老師的msn，到了放學後，同學老師為我舉行了一個farewell，我真的很多謝同學以及老師所做的一切，包括同學整作的兩大張紙牌以及一張信，兩張紙牌上有很多同學的心意卡，製作得非常精美，而且miss wong都黎參加，送禮物比我，真的非常感謝大家，多謝大家同我影左好多相，昨日既farewell我一定不會忘記的，多謝你地

另一件令我最難忘記的是中午後回到學校，大約2點前左右，發現學校有兩位警察入學校，以為警察捉學生，之後門口又有勁多老師同埋返到黎要tick返名報到，原來學校火警，起初我以為有人偷學校電去充手機電咁，原來六樓Form 2 E班風扇電箱電線短路著火，之後有同學發現同返老師講，好多學生係晒操場同埋磚地到等，又有消防車黎到，之後集隊返班房，遲左10分鐘先上堂，呢次繼上次學校停電，發覺原來學校d電力設備真係唔係幾好，不過真係幾難忘同興奮

簽證批了!!!!!

昨日(5月28日)下午放學後，大約5點幾，一開電腦我個agent就同我講我張學生簽證批左，起初以為發夢，之後自己親自去檢查一下，果然真的批了，而且是昨日當日即批發的，等左好耐了終於有張簽證，好多謝agent幫我跟進一下，下星期一辦理退學手續，星期二先最後一日，起碼有兩次機會可以再見到同學一面，我親戚今日E-mail寄左兩張信比我，一張係當地中學叫我去開學既信，另一張就是簽證的編號的信，好開心，但係又意味要同同學分開，有少少唔惜得

我地班房係到玩明報張封面，吳宣倫博士，貼到三分二個壁報都係影音使團既封面，最好笑係我地以為鍾sir會介意，個個驚貼完之後驚死，點知鍾sir話冇問題，幾好呀，笑死我地全班，(返到屋企之後，好多人msn icon都係吳宣倫博士)

我係週會舉手答問題(有關中國內地既常識問答)，我答對了，令到一個塗改帶同埋一本簿仔，勁開心

posted: 2010 5 29 12:36pm

四日假期+ 網誌管理

今日又12點左右起身，這四日假期有一兩日好似都係十二點起身，到現在先想做功課，不過問完同學有多少功課，問完同學之後又不想做，因為數量太少，溫書都有溫，不過不是因為為考試而溫，上網又不知道做d咩好，youtube同facebook都好悶咁，今日不知道為什麼天氣比平時涼左幾度，可能多雲，今日起身不舒服，頭有少少痛，一定是缺氧，吸左十幾口氣，都回復左少少

講返網誌，大家不需要理會網誌中既發表時間，因為係錯的，真實發表的時間會發表在每次的網誌上

520馬可賓畢業典禮以及制服團隊檢閱日

今日係中五同中七的畢業典禮，我十一點幾就去到學校，見到學校上星期六安裝的六部LG液晶體電視機大派用場，內容講述畢業典禮同埋制服團隊檢閱，一返到學校勁多蚊咬，去左校務處令白花油先好返一半，之後prefect d人到齊晒，之後去prefect room到噴蚊怕水，勁油性，我噴左勁多(以為係水性蚊怕水)，之後去校門附近當值，有同埋一些訓導老師一齊當值，天氣太好太陽太猛，我捉左三個人去剪頭髮，有一個仲要噴黑返頭髮，我覺得幾好呀咁當值，睇人剪幫人噴返黑頭髮，朱sir罵人帶手機個樣幾恐怖又有權威，之後去睇畢業典禮，有曾德成局長黎做畢業典禮既嘉賓，之後制服團隊步操幾好睇，最衰我地prefect leader冇得去食茶點，我又等唔到鄭芷翹影相，最後同自己班d人影相，之後便自己一個人行路返屋企，差唔多六點返到屋企，幾肚餓下，不過今日天氣好好，畢業典禮同檢閱又幾好睇咁，開心

519馬可賓大停電

今日第三四堂physics堂無端端停電，physics堂變hea堂，之後小息同上英文堂都勁熱，之後下午食完飯之後有返電力供應，有返冷氣同燈，之後中文堂去報告神鵰俠侶，都滿意自己的表現同分數(10分滿分)，中文堂教大鐵椎既前後時間大家都勁high，中文堂期間，天氣起了很大的變化，打雷閃電落大雨，之後乘巴士回家，(停電的原因是電腦室出了問題，至於什麼問題，我也不知道)，在第二個小息，四樓有老師因為被停電關係而被困升降機中，四樓的情況幾混亂

法國五月幻想交響曲音樂會

今日下午六點，坐西鐵到美孚轉地鐵去中環香港大會堂，去到先得個七點，所以去立法會大樓，皇后像廣場等等地影相，之後大約去到就八點，同學都齊人，之後就去聽音樂會，今次音樂會是Nemanja Radulovic同香港小交響樂團演出的法國五月幻想交響曲，Nemanja Radulovic雖然表演得一場係呢次音樂會，但係佢表演得非常突出，動作誇張，帶有很高的藝術氣質，我也完全投入當中，到最後，我地去左大會堂大堂到參加佢既簽名，而我早到好似頭十個，之後去搭車返屋企(搵巴士搵左好耐)，返屋企差不多到十二點

OLE以及Chem cell test

今日可能是最後一堂我在馬可賓過的OLE堂，其實都幾開心，今日測音樂，我都有17/20分，之後聽聖詩宗教歌曲，好有古典音樂色彩，最好笑係miss Chan問我地班有冇天主教徒，陳偉睛話我地全部都係基督徒，笑死

最尾Chem堂測試chemical cell voltage，只係試到1.5V左右，不過最好笑就係，有一組(唔開名啦)得0.43v同埋外表設計得單位數字(柳sir話唔講佢地幾分)，全班爆笑

其實下午外面天氣幾好，不過衰在多蚊，我地幾個男仔係籃球場睇人地軍操，之後走人

整chemical cell大忙亂

英文黎左個新老師講澳洲餐桌manner，成班玩野，又Pray to God，又Read the Bible，笑到我有兩三度肚痛
今日放學係canteen做chemical cell，整到亂晒，成大半張枱都係Nacl既solution，仲整到手有幼鹽，雖然浪費左好多鋁紙，但是也做了不少有意義的實驗
係做實驗之前，我去左G01「探」以前拳術班既導師，又講左好多野，普選民主，其實民主係愚民選出來的?民主真的能有效改善政府的資源分配以及社會民生?唔洗想到咁激進呀?不過我覺得佢有佢道理，會從經濟方面去分析香港政治，萬一五區選票失敗，香港政治氣氛會變成怎樣?拭目以待吧!

4B長者服務日

5月10日，雨，今日真的超開心，雖然上午差不多整天為長者服務忙碌，找乒乓波紙盒，搵Miss Wong借歌同機播歌，下午又忙於去百佳買野，但是去到富泰(對，是我家附近)的老人中心，活動內容很開心很充實，鍾sir也唱真情，沉得黎有深度，鄧sir扮鄧伯伯超好笑超投入，真係好好笑，我認為最後影相超開心，鍾sir成個補習天王咁，之後就好早返到屋企，大約三點五十分左右

5月4,5,7日events

5月4日，馬可賓中學有捐血日，我去見識一下，變相希望能去幫助他人，禮堂的氣氛的確好像醫院一樣，捐血的時候右手有些刺痛，花了十分鐘左右捐了350ml左右的血，幸好起身完成捐血沒有頭暈，之後前後捐血加吃小食等同學花了三堂課時間(大約2小時左右)才肯上班房上課，事後捐完血特別疲倦以及餓，右手手臂有時會有微刺痛和感覺到血管在動，不過在這一次捐血日，見識得不少了!

5月5日，放學後去Chem Lab做Chemical Cell，被老師發現使用lift，真係麻煩!被班主任柳sir罰去向全班報告

5月7日，長者服務放學開會，我Hold了開會之後，還要回家設計問題，處理人事以及當日的流程安排，真係好煩!